СЛОБОДА ИЛИ ЌЕ ЈА РАЗОТКРИЕМЕ НУКЛЕАРНАТА ПРОГРАМА Хакери во Иран бараат слобода за затворениците од протестите
Хакерската група соопшти дека има 50 гигабајти внатрешни мејлови, договори и градежни планови поврзани со иранската нуклеарна централа Бушер, поддржана од Русија.
Иранската Агенција за атомска енергија денеска објави дека хакери кои дејствувале во име на неидентификувана странска земја упаднале во мрежата на компанијата што управува со нуклеарната централа и пристапиле до серверот каде е електронската пошта.
Анонимна хакерска група која себеси се нарекува Black Reward ја презеде одговорноста за хакерскиот напад и бара Техеран да ги ослободи политичките затвореници уапсени за време на протестите низ целата земја.
Хакерската група соопшти дека има 50 гигабајти внатрешни мејлови, договори и градежни планови поврзани со иранската нуклеарна централа Бушер, поддржана од Русија. Тие објавија и видео за кое велат дека е дел од нуклеарната програма.
#BREAKING The Iranian hacktivist group @black_reward which said last night it had hacked the email system of Iran’s Nuclear Power Production and Development company, is releasing videos and documents related to Iran’s nuclear program. pic.twitter.com/gacu0k9d5l
— Iran International English (@IranIntl_En) October 22, 2022
Хакерскиот напад се случува во време кога Иран се соочува со немири ширум земјата предизвикани од смртта на Махса Амини, која беше приведенa на 16 септември поради наводно непочитување на строгиот исламски кодекс на облекување.
Иранската Агенција за нуклеарна енергија соопшти дека хакери упаднале во системот за е-пошта што го користи компанијата, која управува со единствената нуклеарна централа во земјата во јужниот пристанишен град Бушер.
Агенцијата обвини „странска земја” за нападот, без дополнително објаснување.