📽 „СКОПЈЕ БЕШЕ НАСИЛНО ОДВОЕНО ОД ТУРСКАТА ТАТКОВИНА“ Ердоган се потсети на територијалните загуби на Отоманското царство
Пред еден век за оваа нација и оваа држава Газа беше тоа што е Адана. Токму како Едрене и Скопје, Киркларели и Солун, Мардин и Мосул, како и Газијантеп и Алепо, Газа беше неодвоив дел од територијата на татковината, изјави турскиот претседател.
Зборувајќи за територијалните загуби на Отоманското царство, во својот говор на завчерашниот пропалестински митинг во Истанбул, турскиот претседател Реџеп Таип Ердоган го поистовети Скопје со Едрене, вбројувајќи го македонскиот меѓу градовите од Грција, Сирија и Ирак, „насилно одземени од турската татковина“!
– Пред еден век за оваа нација и оваа држава Газа беше тоа што е Адана. Токму како Едрене и Скопје, Киркларели и Солун, Мардин и Мосул, како и Газијантеп и Алепо, Газа беше неодвоив дел од територијата на татковината. (Во врска со загубата на нашите земји) од каде дојдовме и каде сме сега? Тие нè одвоија од сите овие земји, кои се исто толку дел од нас колку и нашата крв, нашиот живот и нашата љубов. На овој величествен собир, каде што се собравме за да ги поддржиме нашите палестински браќа и сестри во Газа, мораме да си заминеме со решеност да не дозволиме никогаш повеќе да се случат нови Гази – рече Ердоган.
In a pro-Palestinian rally in Istanbul today, Turkish President Erdogan lamented for the loss of Ottoman territories.
He was equating cities in Greece, Macedonia, Syria, Iraq, & Palestine to Turkish cities, claiming they were forcibly taken away from Turkish homeland. pic.twitter.com/EFSjQbGpWg
— Abdullah Bozkurt (@abdbozkurt) October 28, 2023