СКОПЈАНКА ГО ИСКРШИЛА ВОЗИЛОТО НА ДЕВЕРОТ Полицијата синоќа ја привела

Полициски службеници од Единицата за интервентна полиција при СВР Скопје синоќа во 01.20 часот на подрачјето на Центар ја лишиле од слобода С.С.(36) од Скопје, по претходна пријава од нејзиниот 35-годишен сопруг.

Тој вчера пријавил дека околу 18 часот, во семејниот дом неговата сопруга агресивно се однесувала и му упатувала закани со остар предмет, а потоа со тврд предмет го оштетила возилото на неговиот брат. По целосно документирање на случајот ќе следува соодветен поднесок.