СКОЦКАН Е ДОГОВОРОТ МЕЃУ УКРАИНА И САД ЗА МИНЕРАЛИТЕ? Украинската вицепремиерка вели дека останува да се стават потписите
Украинските и американските тимови се во завршна фаза од преговорите за договорот за минерали. Преговорите беа многу конструктивни, со финализирани речиси сите клучни детали, напиша вицепремиерка на Украина Олга Стефанишина.
Вашингтон и Киев се блиску до постигнување Договор за користење на минералите, обзнани вицепремиерката на Украина, Олга Стефанишина, преку своја објава на платформата Икс.
„Украинските и американските тимови се во завршна фаза од преговорите за договорот за минерали. Преговорите беа многу конструктивни, со финализирани речиси сите клучни детали. Ние сме посветени да го завршиме ова брзо и да продолжиме со ставање на потпис на тој документ. Се надеваме дека лидерите на САД и на Украина би можеле да го потпишат и поддржат во Вашингтон најбрзо за да ја покажат нашата посветеност во децениите што доаѓаат“, напиша Стефанишина во својата објава.
Ukrainian and U.S. teams are in the final stages of negotiations regarding the minerals agreement. The negotiations have been very constructive, with nearly all key details finalized. We are committed to completing this swiftly to proceed with its signature. We hope both US and…
— Olga Stefanishyna (@StefanishynaO) February 24, 2025