СИНОТ НА МАРИНА ТУЦАКОВИЌ ЈА ОТКРИ ВИСТИНАТА Што е со тетратката на должници?
Наводно, таа имала тетратка во која запишала сѐ - кој која песна ја купил, а кој плаќал на рати, а која сѐ уште не платил.
По смртта на легендарната текстописка Марина Туцаковиќ, во медиумите осамна вест дека наводно постои тетратка со список на должници, во која ги запишувала нивните имиња. По тој повод сега се огласи нејзиниот син Милан Лаќа Радуловиќ.
„Ред е да се огласам во раните утрински часови. Сѐ што прочитавте деновиве во медиумите, а е во врска со мојата мајка и со мене, не е точно. Како што инаку нѐ наведува човечкиот инстинкт, ние од смртта се браниме со банализација – тетратка за долгови или икебана. Естрада Вендета не ме интересира“, навел Лаќа на Твитер и додал:
„Јас ќе се борам против заборавот, она што е на нашите простори е како казна за сите оние по „кои ништо нема да се вика“. Во превод – памтете ја по нејзините песни “, напишал Лаќа.
Red je da se oglasim u sitne sate. Sve što ste ovih dana čitali po medijima, a u vezi s mojom majkom i sa mnom, nije istina. Kako nas inače ljudski nagon navodi, od smrti se branimo banalizacijom — sveskom dugova ili pak ikebanom. Estrada Vendetta no me interesa.
— Milan Laća Radulović (@RioJaggerr) October 14, 2021
Да потсетиме, како што пишуваа српските медиуми, кога дознала дека боледува од рак и почнала да се бори за сопствениот живот, Марина наводно се откажала од идејата да ги собере сите долгови, па престанала да ги брка пејачите кои и должат пари за текстовите што таа им ги напишала.
Наводно, таа имала тетратка во која запишала сѐ -кој која песна ја купил, а кој плаќал на рати, а која сѐ уште не платил.
Марина Туцаковиќ почина на 19 септември по долго и тешко боледување, а беше погребана неколку дена подоцна покрај нејзиниот син Милош, што било нејзината последна желба.