Синиша Мали потврдил дека во Вашингтон од Србија се бара да го признае Косово

Министерот за финансии на Србија Синиша Мали потврдил за „Информер“ дека пред српската делегација во Вашингтон е ставен на маса документ во кој во една од точките се бара меѓусебно признавање.

– Добивме најлош документ, 16 точки се на маса од кои 10-та точка предвидува меѓусебно признавање. Има и економски теми, но пред сѐ ова е на маса. Притисокот е офромен. Претседателот се бори, јас сега се враќам таму, но како што кажа претседателот „Предавањето не е опција“ – изјавил Мали.

Тој додал дека српската делегација отишла во Вашингтон да разговара за економијата.

– Дојдовме со идеја да инвестираме три, четири милијарди евра, да градиме станови за млади, но тогаш доаѓате и гледате точка која е на маса за меѓусебно признавање. Битката продолжува – изјавил Мали, пренесува „Информер“

Во Вашингтон денеска под покровителство на американската администрација треба да почнат разговорите помеѓу Белград и Приштина.