СИНДИКАЛНАТА КОШНИЧКА ВО ЈУЛИ ПОРАСНА ЗА 245, А КАКОВ ЌЕ БИДЕ РАСТОТ СЕГА? Денеска ќе се објават официјалните податоци за трошоците на живот и цените на мало
Со изнајмен стан од 60 квадрати за месец јули кошничката изнесува 75.945 денари.
Вредноста на синдикалната минимална кошница за месец јули 2024 година пораснала за 245 денари и изнесува 60.570 денари. Со изнајмен стан од 60 квадрати за месец јули кошничката изнесува 75.945 денари.
Една третина од парите или 22.008 денари одат за храна и пијалаци, потоа за режиски трошоци со 6.014 денари, образование 7.022, облека и обувки 4.979 денари, а најмалку пари се трошат за одржување на здравјето 1.135 денари.
Ако пак се пресметува и станарина тогаш трошокот на четиричлено семејство за станарина, вода, електрична енергија би изнесувал 21.389 денари.
Денеска, пак, ќе се знае за колку проценти пораснале трошоците за живот и цените на мало. Државниот завод за статистика треба да ги објави податоците за овој месец.