СИНДИКАЛНАТА КОШНИЧКА ВО АВГУСТ ПОСКАПА ЗА 177 ДЕНАРИ Овој месец има поскапување кај храната, транспортот и кај средствата за хигиена

Вредноста на синдикалната минимална кошница за август 2026 година изнесува 68.675  денари, а споредена со вредноста на синдикалната минимална кошница за јули која изнесуваше 68.498 денари е зголемена за 177 денари – информира денеска Сојузот на синдикати на Македонија (ССМ).

За храна и пијалaци месечните трошоци изнесуваат 25.032 денари, за образование 7.192 денари, за облека и обувки 6.511 денари, за станарина, вода, електрична енергија и греење 6.370 денари, за транспорт 5.175 денари, ресторани и хотели 4.131, за комуникации 3.677, за хигиена 2.692, за здравје 1.196 денари.

Со изнајмен стан од 60 квадрати  синдикалната минимална кошница за август изнесува 84.050 денари.