📽️ СИНАТА ЏАМИЈА ИЗДРЖА, СТОТИЦИ СЕ ПОВРЕДЕНИ ВО АВГАНИСТАН Разорниот земјотрес однесе најмалку 20 жртви

Сината џамија од 15 век во Мазар-е-Шариф утрово блескаше во прав и солзи. Земјата под неа се стресе синоќа околу 20:30 часот, кога силен земјотрес го разниша северниот дел на Авганистан и ги уништи десетици домови.

Министерството за здравство на Авганистан соопшти дека загинале најмалку 20 лица, а 320 се повредени, јави агенцијата Ројтерс.

Според портпаролот на Министерството, Шафарат Заман, повеќето жртви се од провинциите Балк и Саманган, каде потресот бил најсилно почувствуван. Тој изјави дека бројките се привремени и дека спасувачките екипи сè уште работат на терен.

A powerful earthquake struck near Kholm in Afghanistan’s Samangan region at least 5 dead and over 140 injured so far, according to local officials. Rescue efforts are ongoing and the toll is expected to rise. 💔 pic.twitter.com/XqjaIDbKCb

— Jamal Amin (@JamalibnAmin) November 3, 2025

Земјотресот, според Американскиот геолошки институт, се случил на длабочина од 28 километри, во близина на градот Мазар-е-Шариф. Се почувствувал дури до Кабул, а локалните жители сведочат дека луѓето панично бегале од домовите додека ѕидовите паѓале околу нив.

A 6.3-magnitude earthquake struck northern Afghanistan near the city of Mazar-i-Sharif.

At least eight people were killed and nearly 200 injured.

The city’s famous Blue Mosque, a major historical landmark, was damaged.

The quake was also felt in Tajikistan and Uzbekistan. pic.twitter.com/YP0WfbcmAz

— Visegrád 24 (@visegrad24) November 3, 2025

Меѓу оштетените градби е и прочуената Сина џамија, симбол на авганистанската духовност и култура. Дел од минарињата се урнале, а мозаичните плочки кои ја краселе фасадата се распрснале низ дворот. Локалните медиуми јавија дека за среќа немало верници во внатрешноста во моментот на потресот.

Авганистан често страда од земјотреси, особено во регионот на планинскиот венец Хиндукуш, каде се спојуваат евроазиската и индиската тектонска плоча. Во последната деценија земјата изгуби илјадници животи во слични катастрофи, а хуманитарните организации повторно предупредуваат дека сиромаштијата и нестабилната инфраструктура ја зголемуваат опасноста за цивилите.