СИНЃЕЛИЌ БЕЗ СТРУЈА, ЖИТЕЛИТЕ НА ПРОТЕСТ Дефектот е поради нелегални приклучувања, вели ЕВН
ЕВН реагираше на протестот на жителите на Сингелиќ кои се гневни затоа што 3-4 дена се без струја. Од компанијата објаснуваат дека има сериозен дефект кој е предизвикан од долгогодишните нелегални приклучувања и неконтролирано трошење на струјата.
Можеби ќе ве интересира
„Во селото Сингелиќ настана дефект на среднонапонски кабел, како резултат на долгогодишните нелегални приклучувања и неконтролираното трошење на електричната енергија. За жал, дефектот во селото беше очекуван дури и од самите жители. На оваа локација често има прекини во снабдувањето поради преоптоварување на мрежата. Екипите на Електродистрибуција ги санираат, но истите се повторуваат. Овој пат дефектот е посериозен и ќе одземе повеќе време од вообичаеното за санација“, информира ЕВН.