СИЛУВАЛ И ЗАВЕДУВАЛ ДЕЦА ПРЕКУ ИНТЕРНЕТ Хрват злоупотребил 31 малолетник
Дваесет и едногодишен Хрват е уапсен под сомнение дека силувал и злоупотребувал деца и малолетници.
Со опсежна кривична истрага во текот на септември и октомври било утврдено дека 21-годишен хрватски државјанин, користејќи социјални мрежи и апликации за споделување содржини, извршил вкупно 56 кривични дела на штета на вкупно 35 жртви, од кои 31 малолетно лице и 4 полнолетни девојки.
Станува збор за спектар на тешки кривични дела, вклучувајќи подведување деца, силување, сексуална злоупотреба на дете под 15-годишна возраст, експлоатација на деца за порнографија, проституција, закани, воведување деца во порнографија и поттикнување деца да ги задоволат сексуалните потреби. Се сомничи дека сторил и едно кривично дело неовластено користење лични податоци на штета на полнолетно машко лице.
Осомничениот бил уапсен на 27 октомври.