🎥 СИЛНА ЕКСПЛОЗИЈА НА ПЛОШТАД ВО ТЕХЕРАН ВО БЛИЗИНА НА ПРОТЕСТИ Една жена загина од шрапнел
Иранскиот народ е зрел, силен и решителен. Колку е поголем притисокот од САД, толку е посилна волјата на народот, вели шефот на иранскиот Национален совет за безбедност, Али Лариџани.
Една жена загина во експлозија во близина на плоштад во Техеран што се случи за време на демонстрации по повод Денот на Ал Кудс.
Жената им подлегнала на повредите од шрапнели.
Шефот на иранскиот Национален совет за безбедност, Али Лариџани, кој присуствуваше на протестот, реагираше на веста за нападот. Тој рече дека „нападот на маршрутата на протесот го покажува очајот на Израел и на САД.
– Трамп не е доволно паметен да види дека иранскиот народ е зрел, силен и решителен. Колку е поголем притисокот од САД, толку е посилна волјата на народот – изјави Лариџани за државната телевизија ИРИБ.
Smoke rises in the air following an Israeli air strike near a pro-government rally marking the annual Quds Day on Enghelab Street in Tehran city centre.
Chants of Allahu Akbar can be heard in reaction to the strike.
Location: 35.701154, 51.403464@GeoConfirmed pic.twitter.com/E0DFuwzCpv
— Shayan Sardarizadeh (@Shayan86) March 13, 2026
Иранската телевизија објави снимка од силна експлозија близу еден од плоштадите во Техеран, каде што се одржуваа демонстрации. Во моментот кога почна да се издигнува чадот демонстрантите почнаа да скандираат „Смрт за Америка“, „Смрт за Израел“ и „Ниту компромис ниту предавање, борете се против Америка“.
Полуофицијалната новинска агенција Тасним соопшти дека експлозијата е предизвикана од „американско-израелско бомбардирање“. Според нивните извештаи, погодена е областа јужно од улицата Енгелаб, една од главните сообраќајници во иранската престолнина.
Инцидентот се случил за време на маршевите по повод Денот на Ал Кудс или Денот на Ерусалим. Традицијата на маршеви за Денот на Ал Кудс, годишен меѓународен митинг во поддршка на Палестинците, почна по Иранската револуција во 1979 година. Митинзите се одржуваат низ целиот свет во последниот петок од Рамазан.
La tv di stato iraniana riporta una forte esplosione in una piazza di Teheran vicino a una manifestazione pro-regime. Le immagini diffusi dall’Irib mostrano dense colonne di fumo che si alzano sulla città. Tra coloro che partecipano alle marce di protesta per la Giornata di Al… pic.twitter.com/SPMxMxCBw1
— Repubblica (@repubblica) March 13, 2026