📸 СИЛЕН ЗЕМЈОТРЕС РАЗБУДИ ВУЛКАН ВО РУСИЈА Шивелуч исфрли лава на Камчатка

Руските државни медиуми јавуваат дека вулканот Шивелуч еруптирал по земјотрес со јачина од 7 степени според Рихтеровата скала што го погоди источниот брег на Русија. Вулканот е оддалечен околу 450 километри од крајбрежниот град Петропавловск-Камчатски, кој има околу 180.000 жители, пишува Си-Ен-Ен.

„Според визуелните проценки, пепелта се издигнува дури на осум километри надморска височина“, јавија руските медиуми утрово, додавајќи дека вулканот исфрлил лава.

Според Американскиот геолошки институт (УСГС), епицентарот на земјотресот бил на длабочина од 48 километри и на околу 88 километри оддалеченост од Петропавловск-Камчатски.

Руските медиуми наведуваат дека по земјотресот нема информации за поголеми штети, но дека властите превентивно ја проверуваат безбедноста на зградите во околните области.

Полуостровот Камчатка е едно од сеизмички најактивните области во светот поради дејството на пацифичките и северноамериканските тектонски плочи.

Powerful 7.2 magnitude earthquake has struck Russia and a volcanic eruption has begun

Kamchatka was hit. Aftershocks were felt up to 108 km from the epicenter. Ash emissions from the Shiveluch volcano pose a threat to aviation. pic.twitter.com/zHT5aZKeT0

— NEXTA (@nexta_tv) August 18, 2024