Силјановска: Неколку семејства управуваат со Македонија

Три години на самрак на Македонија! Како во поглед на идентитетот и економијата, така и во поглед на моралот. Видете ја програмата на СДСМ во 2016 и се ќе ви стане јасно. Мртво слово на хартија. Нула. Ништо не исполнија, пишува на својот профил на Фејсбук Гордана Силјановска Давкова, носител на листa во изборна единица 1 од посетата на општина Карпош, населено место Нерeзи.

„Воспоставија непрофесионална и партиска администрација. Откако ја партизираа, сега ветуваат нејзино кратење. Погодувате од каде ќе почнат? Од неистомислениците!

Денес неколку семејства, фамилии, управуваат со Македонија.

Економијата ни е на нула. Во нашата програма ветуваме нови работни места. На прави места прави луѓе. Најдобрите, а не последните да бидат примени. Правичната застапеност не значи некој со помал број поени да биде примен само затоа што е од друга етничка заедница.

Во Ирска само Шин Фејн, политичкото крило, можеше да влезе во парламентот, а не како кај нас, ги соблекоа униформите и добија се.

Ветуваме Обнова на Македонија! Воведуваме ред во безредието, закон во беззаконието! Мора крај да се стави на ова!

Исправи се Македонија,

Одбери Обнова

Заокружи 14“, напиша Силјановска.