ШВЕРЦУВАЛ 11 МИГРАНТИ ОД СИРИЈА И ОД ПАКИСТАН Приведено е момче од Гевгелија
Полицијата од Стар Дојран вчера го приведе26-годишниот П.К. од село Јосифово за криумчарење на мигранти, информираат од Министерството за внатрешни работи.
Можеби ќе ве интересира
„Околу 02:40 часот на магистралниот пат делница Марвинци – Удово, кај место викано „Калковска река“, полициските службеници забележале како од неговото возило „БМВ“ излегле мигранти, по што се дал во бегство. Набргу, тој бил пронајден и лишен од слобода, а биле пронајдени и 12 лица мигранти, од кои девет од Сирија и три од Пакистан. Тие се спроведени во Прифатниот транзитен центар „Винојуг“ во Гевгелија“, се наведува во соопштението.
Од МВР информираат дека П.К. бил задржан во полициска станица и по целосно документирање на случајот против него ќе биде поднесен соодветен поднесок.