Шведска денеска со најмногу починати од ковид-19 во последните три месеци

Во Шведска денеска се потврдени вкупно 96 нови смртни случаи на ковид-19, што е најголема дневна бројка во последните три месеци, јавија британските медиуми.

Од последниот пресек, коронавирус им е потврден на уште 4.007 лица, што е речиси 2.000 помалку од највисокиот дневен биланс што беше потврден претходно овој месец.

Во Шведска досега од ковид-19 умреле 6.321 пациенти.

Стапката на смртност на ковид-19 во оваа земја е неколку пати поголема отколку во соседните скандинавски земји, но, сепак, е пониска отколку во некои поголеми европски земји, како што е Шпанија.