ШВАРЦЕНЕГЕР НА УДАР НА КРИТИКИ Поради пораката што ја оставил во книгата за гости во Аушвиц (ФОТО)
Актерот го посетил нацистичкиот логор во Полска во склоп на својата работа со Фондацијата на еврејскиот центар Аушвиц, која настојува да едуцира против сите облици на омраза.
Арнолд Шварценегер се најде на удар на критики бидејќи употребил една од своите познати фрази при потпишувањето во книгата за гости во Аушвиц.
Актерот го посетил нацистичкиот логор во Полска во склоп на својата работа со Фондацијата на еврејскиот центар Аушвиц, која настојува да едуцира против сите облици на омраза.
Уште во јуни Арнолд ја доби наградата на организацијата „Fighting Hatred“ за своите пораки против омраза на социјалните мрежи.
Во склоп на своето патување, тој се упатил кон логорот од Втората светска војна каде се сретнал со преживеан од Холокаустот, син на преживеан од Холокаустот и жена која како дете била подложена на експерименти од страна на озлогласениот нацистички лекар Јозеф Менгеле.
Today I toured @AuschwitzMuseum with @AuschwitzJCF. This is a story that has to stay alive, that we have to tell over and over again. We can all do our part to terminate hate if we are willing do the work and educate ourselves. Never again. pic.twitter.com/FHq2VMhHZP
— Arnold (@Schwarzenegger) September 28, 2022
Според АП, по посетата Шварценегер изјавил:
„Ова е приказна која мора да остане жива, ова е приказна што мораме да ја раскажуваме одново и одново. Бев син на човек кој се бореше во нацистичка војна и бев војник… Ајде заедно да се бориме со предрасудите и да ги искорениме еднаш засекогаш“.
Меморијалниот центар во Аушвиц сподели низа твитови за настанот, вклучувајќи ја и пораката на актерот во книгата за гости која го содржи неговиот потпис заедно со неговата позната фраза од „Терминатор“ – „Ќе се вратам“ (I’ll Be Back).
“I’ll be back.”
The inscription of @Schwarzenegger in @AuschwitzMuseum guestbook. pic.twitter.com/eHGtemwzY5
— Auschwitz Memorial (@AuschwitzMuseum) September 28, 2022
Поради ваквиот потег, тој заработи голем број критики, а многумина коментирале дека и покрај тоа што не мислел ништо лошо, оваа фраза не е соодветна за ситуацијата и местото во кое се нашол.
Тие го окарактеризираа овој потег како „невкусен“ и „несоодветен“.
ФОТО: Твитер/Инстаграм