ШТРУМФОВИ – АМБАСАДОРИ ЗА ОДРЖЛИВ РАЗВОЈ НА ЧОВЕШТВОТО Запознајте се со малите Штрумфови во „Ист гејт мол“ до 9. декември

Во трговскиот центар „Ист гејт мол“ до 9. декември јунаците од анимираната серија Штрумфови ќе бидат главни протагонисти на кампањата „Mали Штрумфови – големи цели“, чија цел е да ја подигнат јавната свест за солидарност и преземање поголеми чекори во справувањето со проблемите на човештвото.

Штрумфовите се признаени амбасадори кои можат да го дадат својот пример за зачувување на планетата, намалување на екстремната сиромаштија и гладот, како и за промовирање на мир во светот.

Интерактивната поставка на селото на Штрумфовите е прекрасен пример за целата јавност за дружење, заедништво, социјализација и добри вредности. Штрумфовите се симбол на одржливо живеење, тие живеат во шума, во нивното село сè е направено од природни материјали, тие се грижат за чиста природа, секаде се движат пеш, не загадуваат и се солидарни еден сo друг.

Во селото на Штрумфовите децата ќе бојат цртежи со дрвени боички со главните вредности и пораки. Oва е прекрасна можност до 9. декември да се запознаете со Штрумфовите.