Штрајк во државната телевизија на Белорусија
Раководството на телевизиската и радиодифузната компанија не го поддржува штрајкот.
Вработените во белоруската национална државна Радио Телевизија тврдат дека повеќе од 200 луѓе веќе учествуват во штрајкот, пренесува ТАСС.
– Над 200 луѓе веќе им се придружија на нашите барања. Тие штрајкуваат на своите работни места – рече еден од штрајкувачите, што беше потврдено и од дриги негови колеги.
Според нив, раководството на телевизиската и радиодифузната компанија не го поддржува штрајкот.
Претходно, белорускиот министер за информации Игор Луцки изјави дека државната телевизија на Белорусија работи нормално. Изјавата ја даде по информациите дека белоруската државна телевизија се приклучила на генералниот штрајк организиран за поддршка на демонстрантите.
Во исто време, вработените во компанијата „Белтелерадио“ тврдат дека во тек е штрајк и дека телевизијата Белорусија-1 во моментот емитува стара програма.
Во протестна колона долга еден километар, вработени-штрајкувачи од неколкуте најголеми индустриски комплекси во Минск дојдоа денеска пред зградата на белоруската државна радиодифузна компанија „Белтелерадио“ да ги поддржат вработените во државната телевизија кои одлучија да стапат во штрајк.