ШТОМ НЕ ГО ОСУДУВААТ, СДСМ И ДУИ ГО ПОДДРЖУВААТ БЕГСТВОТО НА ГРУБИ Глумеа Европејци, сега молчат и не го викаат да се врати
Пратеникот и член на ИК на ВМРО-ДПМНЕ, Миле Лефков денеска ги повика опозициските СДСМ и ДУИ да го осудат бегството на криминалецот од црната листа на САД, Артан Груби и да го повикаат да се соочи со доказите пред судот.
ДУИ и СДСM да го осудат бегството на криминалецот од црната листа на САД, Артан Груби, и да го повикаат да се врати, повика денеска Миле Лефков, пратеник и член на ИК на ВМРО-ДПМНЕ.
– ДУИ треба јавно да каже дали го поддржува бегството на криминалецот од црната листа на САД, Груби? СДСМ, како верен соизвршител, исто така, треба да кажат дали го поддржуваат бегството на Груби? – повика Лефков.
Срамно е како Груби се обидува да се пазари со судот дали да оди во притвор или не, додаде тој.
– И покрај тоа што е свесен за криминалите кои ги направил, и покрај тоа што е препознаен меѓународно како корумпиран и криминалец, тој сепак сака да се пазари со правдата. Очигледно е дека Груби нема ниту грам морал, ниту одговорност, кога избега наместо да се соочи со аргументите пред суд. ДУИ и СДСМ кои глумеа Европејци, сега молчат за бегството на Груби и наместо да го повикаат да се врати, се кријат – рече Лефков.
Доколку ДУИ и СДСМ одмолчат, тогаш станува јасно дека го поддржуваат Груби во бегството, заклучи тој.