„ШТО ВИДЕ БУБАМАРАТА“ ВО 13 ЧАСОТ ВО „БУКВА“ Боенка за деца од писателката Бужаровска
„Што виде бубамарата?“ е прва книга за деца на писателката Бужаровска и прв коавторски проект со уметницата Јакимовска. Раскажува за бубамарата која еден ден решава да направи нешто убаво за себе и тргнува на пат низ целиот свет. Шетајќи низ шаренолики предели, сведочи случки на различни чудни ѕверки…
Во кафе-книжарницата „Буква“ денеска во 13 часот ќе биде промовирана сликовницата „Што виде бубамарата?“ на Румена Бужаровска и Јана Јакимовска, во издание на издавачката куќа „Чудна шума“, јавува МИА.
„Што виде бубамарата?“ е прва книга за деца на писателката Бужаровска и прв коавторски проект со уметницата Јакимовска. Раскажува за бубамарата која еден ден решава да направи нешто убаво за себе и тргнува на пат низ целиот свет. Шетајќи низ шаренолики предели, сведочи случки на различни чудни ѕверки…
„Иако првенствено наменета за деца, оваа сликовница со „стихувани сказни“, како што ги нарекува Бужаровска, е подеднакво интересна и за возрасните, кои ќе се насмеат кога ќе ги препознаат ликовите и ситуациите со кои често се среќаваат во секојдневието“, соопшти издавачката куќа.
На промоцијата на сликовницата ќе има и мала креативна работилница за деца со цртање и боење.
Настанот ќе се одржи согласно здравствените протоколи и актуелните мерки за заштита од ковид-19.