ШТО СЕ СЛУЧУВАЛО ЗАД КАМЕРИТЕ? Заткулисни детали од претседателската дебата

Телевизија 21 денеска објави што се случувало синоќа зад кадар на првата претседателска дебата меѓу кандидатите за претседател Стево Пендаровски и Гордана Силјановска Давкова.

Еве што се случувало во студиото на ТВ21, пред да се вклучат и откако се изгасиле камерите.

Прв дошол кандидатот поддржан од СДСМ Стево Пендаровски, а потоа Силјановска Давкова, која оставајќи ја ташната се поздравила со противкандидатот, а потоа со неговото обезбедувањето и со лицата задолжени за односи со јавност, за кои кратко прокоментирала дека не ги познава.

Никој не очекувал дека ќе дојде до толку остра и жолчна дебата, во која двајцата упатуваа тешки критики меѓусебе.

– Мислам дека не се ниту погледнаа откако заврши дебатата. Настана еден молк во студиото, секунди кои се претворија во часови… Тишината одредуваше кој и како ќе го напушти студиото – коментира уредникот Јовица Пауноски.