ШТО Ѝ РЕКЛА НА АЛМА НЕЈЗИНАТА СНАА ШТО ЈА ПРЕЛИЛО ЧАШАТА? „Во тој момент го видела сопругот во автомобил со љубовницата“

Трагичниот настан што се случи пред неколку дена во Скадар, каде 39-годишната Алма Арази се удави со нејзините три малолетни деца во реката Бојана го шокираше регионот. Додека постојат индиции дека неверството на сопругот Ерџис е причина за трагедијата, полицијата се сомнева дека членовите на семејството на сопругот кријат детали, пишува Вокс Њуз.

Новинарката Анила Хоџа од „Топ њуз“ изјави дека снаата на Алма Аразi е под истрага, бидејќи постојат сомнежи дека таа не дала искрено сведочење пред истражниот тим.

Третата личност во оваа врска, љубовницата со која Ерџис била во врска седум месеци, според новинарката, ќе биде сослушана во друг момент, бидејќи е во тешка емоционална состојба.

–  Клучната личност во оваа приказна е снаата, жената која била на последната средба (со Алма), има сомнежи дека таа не е искрена, сомнежи за тоа што навистина разговарале жените меѓу себе, истражниот тим се сомнева, тие имаат свои индиции дека во текот на 2 часа снаат дефинитивно има нешто кажано, нешто што било капката што ја прелила чашата. Снаата е на слобода, а под истрага.

Што фатиле камерите од 7 мај? Како што може да се види на снимките, Алма Арази ги напушта просториите на кафеана која се наоѓа на влезот во Велосипедскиот парк. Во 20 часот и 10 минути Алма е во друштво на трите деца и нејзината снаа, која исто така е со мало дете.

Алма се поздравува со својата снаа, ја фаќа раката на малото момче, а по неа и на третото дете, големото девојче.

Снаата на Алма за момент стои среде паркот, разговара со некого на телефон додека пишува на телефонот, а потоа Алма го фаќа девојчето за рака и заминува во спротивна насока, веќе далеку од опсегот на камерите.

На второто видео, околу 20 часот и 21 минута, Алма Арази се појавува на тротоарот со своите деца, на патот кој води до старата „Ура е Буна“, во правец кон „Црквата Богородица“ во Скадар.

Се верува дека ова е моментот кога Алма Арази го видела својот сопруг во автомобилот со неговата девојка. Токму кога поминала преку мостот на реката Бојана, Алма Арази ги зела своите три деца и ги фрлила во реката Бојана, а потоа и самата скокнала.

За овој тежок инцидент, полицијата и обвинителството на Тирана го уапсија сопругот на Алма Арази. Тој е обвинет за „предизвикување самоубиство“ и „семејно насилство“.

Шкељзен Бушат, братот на 39-годишната Алма Арази, даде детали за трагедијата во Скадар.

– Последен пат кога разговарав со Алма беше на 1 мај, кога таа ми посака нешто и повеќе не разговаравме. Ја прашав како е, што се случува, тоа е сè. Дознав дека (сопругот) имал афера. Го знаевме тоа и затоа сестра ми се скара со него – рекол братот.

Тој рече дека Алма била во неговата куќа некое време.

– Повторно комуницираше со сопругот затоа што рече дека сака да остане со него. Му се врати, но тој повторно почна со аферата. Мојот шура ја изневери сестра ми со истата девојка. Јас лино не ја познавам девојката, не знам дали сестра ми ја познавала. Само ми рече дека се сомнева во една девојка. Сестра ми му го зела телефонот на сопругот, таму имало снимки во врска со тоа. Алма и Ергис беа во брак 10-12 години. Беа заедно од љубов, а не заради корист – заклучува братот на Алма.