🎥 ШТО РЕЧЕ СНУП ДОГ НА ЗЛАТНИТЕ ГЛОБУСИ? Раперот цензуриран за време на преносот во живо од доделувањето на наградите
Опуштете се малку, уживајте, немојте да бидете вкочанети - рече раперот од сцената на Златен глобус 2026, кадешто беше повикан да ја додели наградата за најдобар поткаст, категорија која е за првпат воведена годинава. А еве со што „заслужи“ да биде цензуриран во преносот во живо од доделувањето на наградите
На годинешното доделување на Златните глобуси за првпат беше воведена категоријата – награда за најдобар поткаст.
Оваа награда, на првата победничка во категоријата, Ејми Полер со поткастот „Good Hang“ ѝ ја врачи познатиот рапер чие појавување на сцената, поточно, дел од она што го кажа, беше цензуриран во телевизискиот пренос во живо.
Еве што беше тоа што го кажа раперот.
“I’m high as a motherfucker right now” Snoop Dogg #GoldenGlobes uncensored pic.twitter.com/PsH5y9Bi3B
— Principe (@Pri_Letterman) January 12, 2026
– Олабавете се малку. Ова се двојно Г – Златните глобуси, а со вас е Д-О-двојно-Г“, изјави тој. Уживајте и не бидете вкочанети, малку раздвижете се! – им порача раперот на присутните, а потоа се пошегува и на сметка на новата категорија – награда за најдобар поткаст.
– Најдобар поткаст е многу важна категорија за мене, бидејќи пред поткастите, јас бев тоа што го слушавте во автомобилите. Вие поткастери подобро надевајте се дека нема да влезам во таа игра – рече Снуп, пред да ја прогласи за победничка Ејми Полер.
Но, непосредно пред прогласувањето на победничката, преносот накратко беше прекинат поради тоа што 54-годишниот музичар изјави дека е во моментот „напушен како мадерфакер“.