📽️ ШТО ГИ НАТЕРА ФУДБАЛЕРКИТЕ НА ИРАН ДА СЕ ПРЕМИСЛАТ? Молчеа, па отпеаја химна, па молчеа во автобус
Иранските фудбалерки на првиот натпревар од Азискиот куп одбија да ја пеат химната, што предизвика силни реакции кај навивачите. Во следните два меча, вклучувајќи го и дуелот со Филипините, тие ја пееја и ја поздравуваа, што отвори сомнежи дека биле под притисок од иранските власти.
Женската фудбалска репрезентација на Иран предизвика силни реакции на Азискиот куп во Австралија. На првиот натпревар пред 6 дена тие одбија да ја пеат националната химна. Многумина тоа го сфатија како знак на протест, а некои ги означија и како „предавнички на својата нација“.
Во следните два натпревар против Австралија и против Филипините ситуацијата се смени. Фудбалерките ја пееја химната и ја поздравуваа. Ова ги зголеми сомнежите дека фудбалерките биле под притисок од иранските власти.
Во неделата, стотици ирански навивачи дојдоа на натпреварот меѓу Филипините и Иран на Голд Коуст. Дел од нацвивачите изразија страв за безбедноста на фудбалерките. Новинарката Кејти Вотсон, дописничка од Австралија, разговараше со дел од навивачите.
Every sports journalist and media should be covering this story.
It’s a matter of life & death for Iranian women’s national team.
The regime in Iran on national TV promised to make an example and punish them severely for refusing to sing the national anthem. pic.twitter.com/7MiWJmW1QQ
— Throwback Iran (@Tarikh_Eran) March 5, 2026
Контактот меѓу тимот и навивачите беше минимален. Сепак, еден мал гест предизвика силни реакции. Фудбалерка која добиваше медицинска помош на клупата се сврте кон трибините. Таа им испрати бакнеж на навивачите.
Iranian women’s football national team just used sign language to communicate “Help”
Theyre being held hostage and threatened by the regime.
The regime in Iran labeled them “traitors” on national TV and promised a “severe punishment” once they return from Australia. pic.twitter.com/77NCjM94GO
— Throwback Iran (@Tarikh_Eran) March 8, 2026
Публиката одговори со гласно навивање. Моментот се почувствува како силна порака.
По завршувањето на натпреварот сцената повторно стана драматична. Филипинските фудбалерки останаа на теренот да им се заблагодарат на своите навивачи. Но, иранскиот тим веднаш се повлече во соблекувалната.
Подоцна, кога тимот се качи во автобус, ги чекаа стотици ирански Австралијци. Дел од нив се обидуваа да го запрат автобусот. Некои држеа транспаренти со порака фудбалерките да останат во Австралија. Тие бараа и австралиската полиција да ги заштити.
Играчките гледаа низ прозорците во тишина. Некои се смешкаа и претпазливо мавтаа. Други останаа сериозни и замислени.