„ШТО Е СО КЕЈТ МИДЛТОН, СЕ ПОЈАВИ?“ Барајте ја принцезата наместо да се занимавате со Русија, порача Захарова
Портпаролката на руското Министерство за надворешни работи, Марија Захарова, во конфликтот со британскиот министер за одбрана, Грант Шапс.
Во сагата околу руските избори и „неверојатната победа“ на Владимир Путин, се „појави“ дури и Кејт Мидлтон! Портпаролката на руското Министерство за надворешни работи, Марија Захарова, во конфликтот со британскиот министер за одбрана, Грант Шапс, ја спомна и принцезата од Велс. Захарова му порача на Шапс, наместо да се занимава со руските избори, да ја бара Кејт Мидлтон.
Шапс претходно изјави дека Владимир Путин „повторно ги украл изборите, но нема да ја украде Украина“.
„Обединетото Кралство ќе работи со сојузниците за да се запре кражбата со зголемување на севкупната помош за Украина. Како што покажува историјата, мора да ги запреме диктаторите и автократите, во спротивно тие ќе продолжат да крадат уште повеќе“ – напиша Шапс.
На оваа изјава на британскиот министер реагираше Захарова, која изјави дека Британците се „навикнати да ограбуваат сѐ“.
#MariaTelegram #Zakharova
Maria Zakharova, 17 MarchBritish Defence Secretary Grant Shapps: “Putin has stolen the election again, but he will not steal Ukraine. The UK will work with allies to stop the theft by increasing overall aid to Ukraine. As history shows, we must stop… pic.twitter.com/sD0IgdKdHR
— Maria Zakharova (Commentary) (@_MariaZakharova) March 18, 2024
„Ништо не им украдовме. Не им го дадовме нашето. Така тие се лутат. Навикнати се на секого да му одземаат сè со право на „ексклузивност“…Патем, што е со Кејт Мидлтон? Се појави? Шапс, барајте ја“ – напиша Захарова на социјалните медиуми.
Портпаролката на руското Министерство за надворешни работи му порача на Шапс да ја бара принцезата од Велс, наместо да се занимава со Русија, алудирајќи на мистериозното отстуство на Кејт Мидлтон по хируршката интервенција што ја имаше во јануари во приватна лондонска болница.