ШТО ДОБИ СДСМ ОД ЛАГИТЕ ЗА СИНОТ НА МИЦКОСКИ? Детето заслужува извинување
Бараме од СДСМ јавно да се извинат и да запрат со манипулациите и со лагите. Народот од нив очекува барем грам одговорност. Извинување веднаш, порача Миле Лефков од ВМРО-ДПМНЕ.
Антикорупциска комисија го распрсна меурот од лаги на СДСМ за синот на премиерот Христијан Мицкоски, утврдено е дека не патувал во САД на буџетски трошок, изјави Миле Лефков од ВМРО-ДПМНЕ на денешната прес-конференција.
- СИНОТ НА МИЦКОСКИ САМ СИ ГО ПЛАТИЛ ПАТУВАЊЕТО ВО САД Сместен бил во посебен апартман, немал допирна точка со државната делегација
- ОЧЕКУВАМЕ ДА СЕ ИЗВИНАТ ЗА ЛАГИТЕ ЗА СИНОТ НА МИЦКОСКИ Одлуката на Антикорупциската комисија е очекувана и разумна
– Наодот на ДКСК дека синот на премиерот Мицкоски не бил во САД на трошок на државата ги извади на површина сите плитки обиди на СДСМ да креираат лажна фама. Што добија социјалдемократите? Само неколкунеделна креирана политичка магла. А што доби народот? Можеше да види дека во СДСМ ништо не се сменило. Кој е најмногу оштетен? Синот на премиерот Мицкоски, кој неосновано без никаква причина беше подлежен на канонада навреди и клевети инструирани од СДСМ. Мора да потенцираме дека синот на премиерот не го придружувал на ниту една официјална средба и не бил сместен во истите хотели во кои била сместена владината делегација. СДСМ лажеше и свесно креираше меур од лаги, кој сега се распрсна и може да се види колку се мизерни, безидејни и деструктувни. СДСМ наместо да биде конструктивна опозиција, тие четири месеци поминаа во лаги и манипулации. Бараме од СДСМ јавно да се извинат и да запрат со манипулациите и со лагите. Народот од нив очекува барем грам одговорност. Извинување веднаш – порача Лефков.