Штипски текстилци ќе шијат 20.000 маски

Штипски текстилни компании ќе шијат заштитни маски наменети за граѓаните на општината, најави денеска градоначалникот на Штип .

Заштитните маски ќе бидат доделени на здравствените работници, на полицајците, на текстилните работнички, на пензионерите и новинари.

Како што информираат од општината обезбеден е материјал за шиење на 20.000 заштитни маски.

– Веќе од утре неколку штипски компании започнуваат да шијат 6000 маски, а дополнително разговараме со уште неколку конфекции коишто ќе излезат во пресрет и ќе продолжат со шиење на уште 14.000 заштитни маски за граѓаните. Овие маски се за повеќекранта употреба и граѓаните можат да ги перат и повторно да ги употребуваат – изјави градоначалникот на Штип Благој Бочварски.