ШТИПСКАТА БРЗА ПОМОШ ПОТВРДИ Пожарникарот кој беше спасен од „Тигрите“ е во добра здравствена состојба

Пожарникарот на ТППЕ- Штип, кој исчезна утринава додека гаснеше пожар на планината Серта е извлечен од непристапниот терен, здравствената состојба му е добра и веќе го прегледуваат лекари од Брзата помош, вели за МИА командирот на ТППЕ- Штип, Дарко Коцев.

Тој посочи дека утринава околу 9.30 му се губи трагата на пожарникорот, кој има искуство од над 20 години, а во потрагата се вклучиле 15 негови колеги, полициски хеликоптер и ловци.

– Сѐ уште сме на планината Серта, каде што имаме пожар на шума, нискостеблести растенија на површина од околу 50 хектари. За кратко ќе се повлечеме, бидејќи овде имаме непристапен терен – вели Коцев.

Пожарот е под контрола, но со неговото гаснење ќе се продолжи утре.

📽 ГАСНЕЈЌИ ПОЖАР ИСЧЕЗНАЛ ПОЖАРНИКАР „Тигрите“ и МВР се вклучија во драматично спасување на Конечка планина крај Штип