ШТЕТАТА ВО ЈАБЛАНИЦА ПРОЦЕНАТА НА 25 МИЛИОНИ ЕВРА Оштетени се околу 200 објекти и повеќе ниви
Сѐ уште работиме на расчистување на патиштата, воспоставување нормална комуникација и решавање на проблемите со снабдувањето со вода и електрична енергија - рече градоначалникот на општина Јабланица, Дамир Шабановиќ.
Прелиминарната проценка на штетите од катастрофалните поплави и одрони изнесува речиси 50 милиони КМ (околу 25 милиони евра), изјави градоначалникот на општина Јабланица, Дамир Шабановиќ.
Тој рече дека се оштетени околу 200 објекти, како и земјоделски површини, стопански и јавни објекти.
– Сѐ уште работиме на расчистување на патиштата, воспоставување нормална комуникација и решавање на проблемите со снабдувањето со вода и електрична енергија – рече Шабановиќ и им се заблагодари на сите што помогнаа на Јабланица и другите погодени подрачја.
Министерот за енергетика, рударство и индустрија на Федерацијата на Босна и Херцеговина, Ведран Лакиќ, за време на посетата на Јабланица рече дека федералната влада од почетокот е на терен и ќе продолжи да помага сѐ додека не бидат згрижени сите погодени од таа катастрофа.