ШОКАНТНО ОТКРИТИЕ НА БЛЕЈК ЛАЈВЛИ „Колега сакаше да ја убие мајка ми“

Актерката Блејк Лајвли, која моментално е во војна со колегата Џастин Балдони и со многу други, откри дека „некој сакал да ја убие нејзината мајка“.

Прифаќајќи ја номинацијата за награда на синоќешната гала вечер „ТАЈМ100“, ѕвездата од филмот „Ова завршува со нас“ (It Ends With Us) изјави: „На повикот на мајка ми и непоколебливата храброст, сакав да споделам со вас дека таа ги преживеа најлошите злосторства што некој може да ги изврши против жена“.

Во здравицата на церемонијата, Лајвли прецизираше дека нејзината мајка, Вили Елејн МекАлпин, која беше присутна, „никогаш не добила правда од нејзиниот познаник од работа кој се обидел да ѝ го одземе животот кога била мајка на три мали деца“.

„Бешетоа долго пред да се родам“, напоменала актерката, а потоа додала: „Мајка ми беше спасена од тоа ужасно искуство од лице кое го преживеало нападот, а за кое претходно слушнала како зборува за својата болка на радио. Жената болно и живописно раскажала како избегала, а мајка ми е жива денес затоа што ја слушнала таа жена како зборува за своето искуство, наместо да се затвори во страв и неправеден срам. Ја спасила жена чие име никогаш нема да го дознае. Јас сум жива и денес стојам тука со сите вас, тоа е чест за мене, поради жената чие име никогаш нема да го дознаам. Јас сум тука, мајка ми е тука, затоа што таа жена не само што преживеа, туку им кажа и на другите како да го направат тоа“, рече Лајвли.

Актерката го опиша ова искуство како „тивок факел на женкоста што го запознаваме и наследство што мора да им го покажеме на другите како да преживеат, буквално или духовно“.

Таа ѝ оддаде почит на „неверојатната“ колешка Жизел Пелико, Французинка која секојдневно присуствувала на судењето на својот сопруг и десетици мажи обвинети за дрогирање, силување и напад кон крајот на минатата година.

На крајот, таа не можеше да издржи и се осврна на Џастин Балдони, само накратко алудирајќи на судската сага со него: „Имам толку многу да кажам за последните две години од мојот живот, но ова не е ниту место ниту време.“

Неколку часа претходно, „Дедлајн“ откри дека Балдони и неговиот ПР тим ги обвиниле Лајвли и нејзиниот публицист за „трик да добијат овластување за судска покана“.

Големиот спор меѓу колегите започна кон крајот на минатата година кога Лајвли поднесе тужба против Балдони, обвинувајќи го за вознемирување и стратегија со која сакал да го „уништи нејзиниот углед“.