Шок предлог на швајцарски политичар: Обележете ги невакцинираните

Шефот на Зелената либерална партија во Швајцарија, Јирг Гросен, побарал невакцинираните здравствени работници да бидат обележани.

Во Швајцарија, изминативе денови, сè почести се барањата на политичари и здравствени експерти за обележување на невакцинираните лица. Најпрво би требало, како што велат, да бидат обележани негувателите на стари лица, лекарите, вработените во клиниките, но и воспитувачите во градинките.

– Негувателите, вработените во градинките, на пример, да носат налепница кој би покажувал дали се вакцинирани или не – бара пратеникот Гросен.

Претседателката на Здравствената комисија Рут Хумбел побарала невакцинираните здравствени работници да носат маска, а вакцинираните да бидат ослободени од таа обврска. Така, вели таа би било јасно препознатливо за пациентите кој е вакциниран, а кој не. Бидејќи Швајцарија според Уставот не може да воведе задолжителна вакцинација, треба да го зголеми притисокот врз невакцинираните.