ШОЈГУ НЕ ВЕРУВА ВО ГОЛЕМАТА ОФАНЗИВА НА ЗЕЛЕНСКИ Таа постои за да се создаде илузија пред Западот

Контраофанзивата на Херсон била планирана од кабинетот на украинскиот претседател Владимир Зеленски „само за да се создаде илузија пред западните поддржувачи дека украинската војска е способна да спроведе офанзива”, изјави рускиот министер за одбрана Сергеј Шојгу, велејќи дека украинската војска претрпува големи загуби во јужна Украина, јавува РТ.

Говорејќи во петокот за време на конференциска врска во министерството, Шојгу изјави дека „обидите на офанзивата на украинските вооружени сили продолжуваат на Николаев-Криворозск и други правци, а непријателот претрпува значителни загуби“.

Шојгу, исто така, тврди дека руските сили зазеле село во регионот Херсон и стигнале до административната граница со регионот Николаев.

Во вторникот, руското Министерство за одбрана издаде соопштение во кое тврди дека нејзините војници убиле над илјада украински војници, како и „странски платеници “ и уништиле десетици тенкови и оклопни воени возила за само еден ден.

Еден ден претходно, официјалните лица во Москва објавија дека украинската контраофанзива во регионот Херсон „мизерно пропаднала”.

Украинската влада веќе неколку месеци зборува за контраофанзива на југот на земјата. Во видео-обраќањето во неделата, претседателот Зеленски вети дека ќе го врати и целиот Донбас.