Шилегов: Има интерес од Катарци за Вардар, но прво треба да се врати долгот од 3,5 милиони евра
Поранешниот сопственик на клубот, Сергеј Самсоненко со долг од 3,5 милиони евра го остави Вардар и засега нема знаци дека ќе го врати она што го должи.
Градоначалникот Шилегов истакна за купување на фудбалскиот клуб Вардар сѐ уште има заинтересирани, но пречка останува долгот од 3,5 милиони евра кој треба да се врати.
Поранешниот сопственик на клубот, Сергеј Самсоненко со долг од 3,5 милиони евра го остави Вардар и засега нема знаци дека ќе го врати она што го должи.
Во меѓувреме клубот влезе во сериозна финансиска криза, речисите сите квалитетни играчи си заминаа, па Вардар во следната сезона ќе игра во Втората фудбалска лига.
Во меѓувреме се бара решение за спас на Вардар, но градоначалникот Шилегов вели дека градот не може да преземе приватен фудбалски клуб со толку голем долг.
– Вардар е приватен клуб. Некој одлучил да го продаде, а не нашол механизам како да се покријат трошоците. Јас не можам да го земам клубот со долг од 3,5 милиони евра – изјави Шилегов за „Сител“.
Пред извесно време се појавија информација дека Катарци се заинтересирани за Вардар. Шилегов вели дека нивниот интерес сѐ уште е актуелен.
– Инвестицијата од Катар не е затворено прашање. Но, за да се заокружи и тој процес треба да добиеме гаранција за враќање на средствата од актуелното раководство – додаде градоначалникот.