ШЕФОТ НА СЗО ИЗВЛЕЧЕ ЖИВА ГЛАВА ВО ИЗРАЕЛСКИОТ НАПАД ВРЗ ЈЕМЕНСКИОТ АЕРОДРОМ Две лица го изгубија својот живот во воздушното бомбардирање
Додека требаше да се качиме на нашиот лет од Сана, пред околу 2 часа, аеродромот беше под воздушно бомбардирање. Еден од членовите на екипажот на нашиот авион беше повреден. Најмалку две лица загинаа на аеродромот. Кулата за контрола на летање, салонот за поаѓање, кој е на само неколку метри од местото каде што бевме, како и пистата, беа оштетени, напиша шефот на Светската здравствена организација, Тедрос Аданом Гебрејесус, на социјалната мрежа Икс.
Тим на Светската здравствена организација (СЗО), вклучително и нејзиниот генерален директор, беше под оган во денешниот израелски напад на меѓународниот аеродром во главниот град на Јемен, Сана.
„Додека требаше да се качиме на нашиот лет од Сана, пред околу 2 часа, аеродромот беше под воздушно бомбардирање. Еден од членовите на екипажот на нашиот авион беше повреден. Најмалку две лица загинаа на аеродромот. Кулата за контрола на летање, салонот за поаѓање, кој е на само неколку метри од местото каде што бевме, како и пистата, беа оштетени“, напиша шефот на СЗО, Тедрос Аданом Гебрејесус на социјалната мрежа Икс.
Членовите на делегацијата на ОН и на СЗО не се повредени и се безбедни, рече тој и изрази сочувство до семејствата чии најблиски ги загубија животите во нападот.
Израелската војска потврди дека ја нападнала инфраструктурата на милицијата Хути во Јемен, вклучително и аеродромот.
Our mission to negotiate the release of @UN staff detainees and to assess the health and humanitarian situation in #Yemen concluded today. We continue to call for the detainees’ immediate release.
As we were about to board our flight from Sana’a, about two hours ago, the airport… pic.twitter.com/riZayWHkvf
— Tedros Adhanom Ghebreyesus (@DrTedros) December 26, 2024