„ШАРЛИ ЕБДО“ СО КАРИКАТУРА ИМ СЕ ИСМЕВА НА ЗАГИНАТИТЕ ВО ПОЖАРОТ ВО КРАН МОНТАНА Кривична пријава против францускиот сатиричен магазин

Адвокат од Швајцарија и неговата сопруга поднесоа кривични пријави против францускиот сатиричен магазин „Шарли Ебдо“ поради карикатура за смртоносниот пожар во барот „Констеласион“ во познатиот скијачки центар Кран Монтана.

Во пожарот што избувна на новогодишната ноќ, загинаа 40 лица, а повеќе од 100 беа повредени.

Во петокот на 9 јануари, на денот на жалост, „Шарли Ебдо“ објави карикатура на двајца изгорени скијачи со натпис „Les brûlés font du ski“ („Изгорените одат на скијање“), игра на зборови од „Les Bronzés font du Ski“ („Бронзените одат на скијање“), наслов на француски комедија од 1979 година. Карикатурата го прикажува знакот Кран Монтана, а во долниот десен агол пишува „комедија на годината“.

Објавата на карикатурата предизвика бран негодување во Швајцарија. Брачната двојка поднесе жалба до државниот обвинител во кантонот Вале против „Шарли Ебдо“ и против авторот на карикатурата, Ерик Салх. Тие тврдат дека цртежот го крши швајцарскиот кривичен закон за прикажување на насилство, го нарушува достоинството на жртвите и ја тривијализира трагедијата со хумор.

Контроверзноста доаѓа само неколку дена по 11-годишнината од терористичкиот напад врз „Шарли Ебдо“. На 7 јануари, Франција одбележа 11 години откако вооружени лица убија 12 лица во канцеларијата на списанието во Париз во 2015 година, затоа што магазинот објави карикатура со пророкот Мухамед со бомба на главата наместо турбан. Таа годишнина повторно ги отвори дискусиите за границите меѓу сатирата и слободата на изразување.

Во кривичната пријава, двојката од Швајцарија бара да се покрене кривична истрага и, во случај на пресуда, да има исплата на отштета на сите жртви на трагедијата.

Le dessin du jour, par #Salch pic.twitter.com/YbmVqpO3X2

— Charlie Hebdo (@Charlie_Hebdo_) January 9, 2026