Шабани: Сите заедно можеме да создадеме модерно образование
Министрството во изминатиот период посветено работеше на огранизирање на образовниот процес во услови на пандемија, за што беа направени сите подготовки во основните и средните училишта – рече Шабани.
На денешната прес-конференција покрај минисерката Царовска се обрати и и заменик-министерот Арафат Шабани кој на оваа фукнција доаѓа во еден специфичен момент во кој целиот свет се соочува со ширење на заразата со ковид-19.
– Би сакал да го поздравам официјалниот старт на учебната година. Министрството во изминатиот период посветено работеше на огранизирање на образовниот процес во услови на пандемија, за што беа направени сите подготовки во основните и средните училишта – рече Шабани.
Тој потенцираше дека предизвици секако ќе има затоа што се соочуваме со целосно нова состојба, но дека тие ќе се надминуваат тековно и очекуваат соработка и разбирање од наставниците, учениците и родителите, како и целото општество.
– Сега е моментот да покажеме што научивме од пандемијата, дека почитувајќи ги мерките за заштитат и протоколите за работа, сите заедно можеме да создадеме модерно образование во вонредни околности, кое ќе биде успешно и квалитетно – вели Шабани.
Заменик-минисерот истакна дека единствената Национална платформа е првиот чекор во тој процес, иако доаѓа како диктат на околностите, таа ја покажува дигиталната транизиција на образованиот систем која што беше толку неопходна.
Тој испрати јасна порака до сите кои ќе ја користат платформата, дека таа ќе биде предизвик за сите, за наставниците, за учениците и за нив како креатори на образовните политики во државата.