СЕРИОЗНО ПРЕДУПРЕДУВАЊЕ ОД ЕКСПЕРТИ Омикрон може да го предизвика досега најголемиот бран на епидемијата

Новиот сој омикрон може да предизвика зголемување на заразата со коронавирусот и да го предизвика најголемиот бран во Велика Британија, предупредуваат група научници.

Експертите од Советодавната група за респираторни инфекции, која ја советува Владата, одржаа вонреден состанок минатата недела на кој се разговараше за новиот вид на коронавирус, кој за првпат беше регистриран во Јужна Африка.

Според извештајот од состанокот, групата заклучила дека сојот омикрон може да предизвика тешки последици по јавното здравје и може да предизвика нов бран на инфекции.

– Не можеме да ја исклучиме можноста овој бран да предизвика сличен, па дури и поголем број новозаразени од претходните бранови – сметаат експертите.

Иако сè уште не се достапни подетални анализи за новиот вид, експертите сметаат дека новиот бран може да донесе голем број тешки случаи, а експертите не ја исклучуваат можноста тоа да биде доволно за полнење на болничките капацитети.

Советничката група ги повика граѓаните да ги преземат сите мерки за спречување на ширење на вирусот. Оттаму додаваат дека, иако засега е неизвесно дали омикрон ќе предизвика потешки симптоми, постојат одредени сигнали кои им даваат право да ги предупредат граѓаните.

Се надеваат дека новите мерки ќе го ублажат бранот на епидемијата

Нивните заклучоци се проследени до владини претставници и главно се засноваат на она што досега е познато од случаите во Јужна Африка.

Во меѓувреме, британската влада додаде шест јужноафрикански земји на „црвената листа“ за патувања, а уште четири беа додадени на листата во текот на викендот, пишува „Sky news“.

На прес-конференцијата премиерот Борис Џонсон повторно најави задолжително воведување маски за влез во продавниците и јавниот превоз. Тој додаде дека се чини дека сојот омикрон брзо се шири дури и кај ревакцинираните и дека достапните вакцини би можеле да бидат помалку ефикасни против оваа варијанта, но и дека Британија сега е во многу поповолна ситуација од пред една година.

Досега во Британија се регистрирани 22 случаи на омикрон, а министерот за здравство стравува дека бројката во наредниот период сигурно ќе порасне.

Тој додаде дека овој вид допрва треба да се истражува, со цел научниците да утврдат дали е поопасен од видот делта кој сега е доминантен во Велика Британија.

Двајца од трите најголеми производители на вакцини се обидоа да го смират стравот на граѓаните од новиот вид.

Универзитетот во Оксфорд и Фајзер предвидоа дека сегашните вакцини ќе бидат ефикасни во спречувањето на тешка клиничка слика доколку некој се зарази со нов вид.

Во понеделникот, извршниот директор на Модерна, исто така, рече дека постоечките вакцини би можеле да бидат помалку ефикасни против новиот вид во споредба со претходните и дека на фармацевтите ќе им требаат неколку месеци за да произведат нови вакцини.