📽 СЕЛИН ДИОН СЕ РАСПЛАКА НА ПРЕМИЕРАТА НА СВОЈОТ ФИЛМ Пејачката води тешка битка со болеста

Новиот документарен филм на Селин Дион (56) „Јас сум: Селин Дион“ (I Am: Celine Dion) ја прикажува здравствената борба на пејачката, како нејзината болест ѝ влијае на гласот и како изгледа нејзиното секојдневие „зад кулисите“.

Музичката дива во декември 2022 година соопшти дека ѝ е дијагностициран синдром на вкочанета личност, кој ги претвора луѓето во живи статуи. Селин тогаш рече дека ќе ги откаже концертите од нејзината претстојна концертна турнеја.

Пред два дена се одржа премиерата на филмот „Јас сум: Селин Дион“, на која присуствуваше и пејачката.

„Не ми се верува колку сум богата што имам вакви обожаватели во мојот живот. Вашето присуство на моето патување беше подарок. Вашата љубов и поддршка ме турнаа напред низ сите проблеми“, изјави емотивната Дион, која се расплака по премиерата на документарниот филм во Њујорк, пренесе „Пипл“.

Освен на обожавателите, пејачката се заблагодари и на својот тим, но и на децата.

„Се разбира, никогаш немаше да застанам пред вас доколку ја немав поддршката и љубовта од моите деца. Од срце ви благодарам на сите што бевте дел од моето патување. Овој филм е љубовно писмо до сите вас“, изјави Дион, за што беше наградена со громогласен аплауз.