📽️ СЕЛЕКТОРОТ СКАЛОНИ ПЛАЧЕ ПО МЕСИ, СОЛЗА ПУШТИ И НОВИНАРОТ Последниот танц на бројот 10 ќе биде против Венецуела

Селекторот на Аргентина и новинар беа фатени како плачат среде подкаст емисија бидејќи познатиот репрезентативец Лионел Меси вечерва на стадионот „Монументал“ ќе го одигра својот последен натпревар на домашна почва за репрезентацијата.

Во своето 193-то појавување, капитенот Меси кој има 38 години ќе ја предводи Аргентина против Венецуела во квалификациски натпревар што ја нема тежината на резултатот, но ја носи сета емотивна тежина на едно збогување. Земјата веќе се пласирала на Мундијалот и го чека последниот танц на „број 10“.

Легендата постигна 112 голови, освои една светска и две континентални титули во последните четири години, а вечерва стадионот ќе биде преполн со солзи и аплаузи.

Селекторот Лионел Скалони на прес-конференцијата беше прашан дали да го дели теренот и подоцна клупата со Меси е најголемата радост во животот.

– Да му ја додавате топката, да го гледате како игра, сè тоа беше магично. Освојувањето на Светското со него беше врв. Ако ова е навистина последниот пат што игра дома, ќе се погрижиме да има барем уште еден меч тука. А сè додека игра, уживајте – изјави Скалони.

Но емоциите кулминираа кога новинарот што го постави прашањето почна да плаче. Скалони го прекина следниот новинар и рече:

– Тој плаче! – а потоа додаде – Тоа не беше мојата намера…

Новинарот низ солзи изусти:

– Ми ја пруживте најголемата радост во животот…

По ова и Скалони заплака. Еден колега новинар се понуди да го одложи прашањето, но Скалони одговори:

– Не, не, слободно. Тоа беше предизвикано од тоа што видов колку сме ги направиле луѓето среќни.