СЕДУММИНА ПРИВЕДЕНИ ПО НАТПРЕВАРОТ ВАРДАР-ШКУПИ Фрлале пиротехника, се замериле со полицајци
Лицата се приведени поради фрлање пиротехнички средства и нарушување на јавниот ред и мир со дрско и непристојно однесување, како и непочитување наредба на полициски службеници, соопшти МВР информирајќи дека инциденти имало на две места.
Седум лица се приведени во Скопје поради нарушување на јавниот ред и мир по завршувањето на дербито меѓу Вардар и Шкупи, одиграно денеска на спортскиот комплекс на Фудбалската федерација на Македонија „Петар Милошевски“, јави Министерството за внатрешни работи.
Според МВР, инцидентите се случиле на две локации во градот, непосредно по завршувањето на натпреварот од Првата македонска фудбалска лига.
Можеби ќе ве интересира
„Лицата се приведени поради фрлање пиротехнички средства и нарушување на јавниот ред и мир со дрско и непристојно однесување, како и непочитување наредба на полициски службеници“.
Притоа, полицијата постапила по Законот за спречување на насилство на спортски натпревари, а против приведените ќе бидат преземени мерки согласно законските прописи.