Седум нови заразаени со коронавирус во Србија, уште 153 случаи во Белгија
Неколку ученици од гимназијата во Чачак кои присуствуваа на роденденската забава каде било и лице од странство кое страда од коронавирусна болест, беа причина Директорот превентивно да ја распушти смената во таа гимнзија.
Во Србија од утрово се регистрирани уште седум нови случаи на инфекција со коронавирус, така што вкупниот број заразени сега е 31, покажуваат најновите податоци на Министерството за здравство.
Како што јави дописникот на МИА од Белград, од 29 тестирани случаи, седум биле позитивни, а 22 се негативни на новиот коронавирус.
Епидемиологот Зоран Радовановиќ изјави дека бројот на заразени е само „врв на ледениот брег, и сигурно е дека има многу повеќе заразени“.
Српскиот претседател Александар Вучиќ синоќа во вонредното обраѓање до јавноста изјави дека Србија во моментов има 1.008 респиратори и дека за 25 дена ќе се набават уште 500 респиратори затоа што „е побарано да се подготвиме за најлошото сценарио“. Тој најави дека платите за сите здравствени работници ќе бидат зголемени за 10 проценти од 1 април.
Од пред два дена во Србија забранети се сите јавни собири за над 100 луѓе во затворени простории, 44 помали гранични премини се затворени, забранети е влез за странски државјани кои доаѓаат од жариштатат на коронавирусот, но образовните институции се уште работат.
Неколку ученици од гимназијата во Чачак кои присуствуваа на роденденската забава каде било и лице од странство кое страда од коронавирусна болест, беа причина Директорот превентивно да ја распушти смената во таа гимнзија.
Српската премиерка, Ана Брнабиќ, изјави дека во тек е тестирањето на систем за домашна настава ако, во еден момент, професијата каже дека училиштата треба да се затворат заради коронавирусот.
На денешната седница на српската влада ќе се формираат два кризни штаба – едниот за сузбивање на коронавирусот, а другиот за отстранување на ефектите врз економијата, изјави премиерката Ана Брнабиќ.
Брисел, 13 март 2020 (МИА) – Белгиското Министерство за здравство потврди дополнителни 153 случаи на заразени со новиот коронавирус во државата, јави дописничката на МИА. -Има 153 нови случаи на коронавирус во нашата земја, вкупниот број сега изнесува 556 инфекции, изјави портпаролот Стевен Ван Гихт. По повеќе недели преговори со локалните и регионалните ентитети, федералната влада на Белгија доцна синоќа успеа да се усогласи и да донесе нови мерки во земјата, вклучително затворање на образовните установи, откажување на сите забавни, спортски и културни настани, и барање од работниците и работодавците да охрабрат работа од дома.