Седница на собраниската Комисија за здравство

Собраниската Комисија за здравство денеска ќе одржи седница на која треба да биде разгледан Предлог законот за изменување и дополнување на Законот за здравствената заштита, во второ читање, поднесен од група пратеници од владејачкото мнозинство.

– Законот се заснова на истите начела на кои е заснован и основниот текст на Законот за здравствената заштита и со него согласно прописите од областа на работните односи се прекинува договорот за вработување на здравствениот работник и здравствениот соработник, но и се остава можност согласно овој закон за исклучок со кој во точно уредена постапка заради континуирано обезбедување на здравствената заштита на сите осигуреници во државата здравствениот работник и здравствениот соработник да можат договорот да го продолжат најмногу до 67 години возраст – стои во Предлог законот.