СЕ ЗГОЛЕМИЈА КАМАТИТЕ Просечната за кредитите изнесува 5,47%, а кај депозитите 1,88%

Просечната каматна стапка на вкупните депозити забележа раст од 0,48 процентни поени при што во јуни таа изнесува 1,88%. Просечната каматна стапка на вкупните кредити изнесува 5,47% и забележа годишно зголемување од 0,35 процентни поени, објави Народна банка.

Просечната каматна стапка на новоодобрените кредити, во јуни, изнесува 5,08%, а на новопримените депозити изнесува 2,52 отсто.

Кај каматни стапки на корпоративниот сектор се наведува дека во јуни 2024 година, просечната каматна стапка на вкупните кредити на корпоративниот сектор, изнесува 5,26 отсто и на месечна основа е намалена за 0,05 п.п.

Просечната каматна стапка на вкупните депозити на корпоративниот сектор е зголемена за 0,04 п.п. во споредба со претходниот месец и изнесува 2,25 %.

Каматни стапки на домаќинствата на вкупните кредити на домаќинствата изнесува 5,66 отсто и бележи месечен раст од 0,01 п.п.

Каматната стапка на вкупните депозити на домаќинствата, изнесува 1,84 отсто и бележи месечно зголемување од 0,03 п.п.