СЕ ЗАПАЛИ АВТОБУС НА ПАТОТ ОХРИД-КИЧЕВО Возачот навреме го забележал пламенот, нема повредени

Меѓуградски автобус од компанијата „Галеб“ се запалил на патот кај охридското село Извор, објави Канал 5.

Портпаролот на СВР Охрид, Стефан Димовски, за Канал 5 изјавил дека возачот на автобусот на „Галеб“ од Охрид навреме забележал дека автобусот почнува да гори и се спасил.

Автобусот е целосно изгорен, на лице место излегле противпожарни и екипи на МВР. Во меѓувреме патот Охрид- Кичево кај селото Извор е пуштен за редовен сообраќај.

Несреќата се случила нешто по 21 часот, кога од непознати причини автобусот се запалил, а сообраќајот беше во прекин.