СЕ ЗАКАНУВАШЕ ДЕКА ЌЕ СЕ УБИЕ, МУ ГО ОДЗЕДОВМЕ ПИШТОЛОТ! Полицијата демантира дека забошотува случај на семејно насилство

Министерството за внатрешни работи ги демантира тврдењата на ВМРО-ДПМНЕ дека се забошотува случајот на семејно насилство извршено од страна на генералниот секретар на Град Скопје Зоран Глигоров.

„МВР целосно ги демантира лагите пласирани од партијата ВМРО-ДПМНЕ за наводно криење односно, како што велат, заташкување на пријавен случај во врска со лицето З.Г..

Вистината е дека СВР Скопје постапило и за овој случај по сите процедури, како впрочем и за сите други случаи. Имено, по добиена пријава од Љ.Г. на 17.11.2023 веднаш полициски службеници излегле на местото на настанот. Љ.Г. на полициските службеници им кажала дека по вербалната расправија З.Г. се заканувал дека ќе си го одземе животот со пиштол. Од страна на полициски службеници преземени се мерки и активности и на З.Г. му бил одземен пиштолот за понатамошна постапка. Апелираме до ВМРО-ДПМНЕ да престане да шири лаги и да ја вознемирува јавноста“ – се вели во соопштението на МВР.

СПАСОВСКИ И КОВАЧЕВСКИ ГО КРИЈАТ СКАНДАЛОТ СО ГЛИГОРОВ Ген-секот на Скопје е познат насилник, а еднаш е фатен со „хеклер“, тврди ВМРО-ДПМНЕ