Се враќа легендарната „Нокиа 6310“ со големи копчиња, ќе чини 40 евра (ВИДЕО)

Многумина ги помнат оние стари модели на ,мобилните телефони Нокиа, со голем гумен корпус, со убави големи копчиња, каде што се знаеше што е што и каде што можевме да играме „Змија“.

Изненадување, тие се вратија на сцената! Ретро-моделот Nokia 6310 е тука со нов поголем и закривен екран, со истите големи копчиња, но со можност за прелистување, со дополнителна камера и гласно ФМ радио, јавува Мондо. А најдобрата е вест е што има батерија која трае и до 20 часа без полнење, исто како што траеја телефоните пред да бидат измислени смартфоните кои ги полниме секој ден.

Погледнете и самите оценете како изгледа старо-новиот Nokia 6310.

Обновата на Nokia 6310 доаѓа по барање на фановите. Новиот модел е сличен на изглед, но сè внатре е подобро, тврдат од компанијата. Екранот има поголема резолуција (QVGA), а телото му е сè уште пластично, но овојпат од модерен поликарбонат. Дури и копчињата му се поголеми од неговиот претходник.

Што се случува со брзината? Сетот на чипови Unisoc 6531 F, со 16 MB RAM меморија, со 8 MB внатрешна меморија, со слот за microSD картичка до 32 GB капацитет за музика, фотографии и за видеа и влез за двојна SIM картичка го приближуваат овој телефон до стандардите на денешните смартфони.

Ни интернетот нема да ви изостане доколку решите да дадете 40 евра за оваа ново-стара Нокиа. Телефонот има Dual band поддршка за 2.5G мрежи, со која се одржува подобра автономија. Исто така не ќе морате да се грижите за преносот на податоци, бидејќи ова е еден од ретките телефони кој поддржува 2,4 GH Wi-Fi (сектор b/g/n).

Камерата има VGA резолуција, и солидни 0,3 MP, со можност да се снимаат видеа, како и LED блиц поддршка, која се користи и како фенерче.