СЕ ТРАГА ПО ИСЧЕЗНАТОТО МОМЧЕ ВО ВАРДАР Нуркачи и полицијата пребаруваат во реката
Момчето исчезна вчера попладне во водите на Вардар.
Полицијата и припадници на специјална нуркачка единица на МВР и понатаму го бараат момчето кое вчера исчезнало во реката Вардар кај неготинско Пепелиште, потврди утрово за МИА Верољуб Додевски, портпарол на СВР Велес.
Можеби ќе ве интересира
Дека по момчето се трага во и околу Вардар кај неготинско Пепелиште, вчера попладне потврди Билјана Филипова, директор на Здравствен дом Неготино.
– Според информациите што досега ги имаме, едно момче почнало да се дави во реката, а другарче се обидело да му помогне, но безуспешно. Очевидци го спасиле второто момче, кое било видно вознемирено, а по првото трагаат мештани, пристигнале и нуркачи. Екипа на нашата брза помош веднаш отиде на местото и ќе остане таму и понатаму – рече Филипова.