(ВИДЕО) СЕ ТРАГА ПО ДВЕ ДЕВОЈЧИЊА ОД СТРУМИЧКО Последен пат се видени во „Веро Џамбо“
Две девојчиња од Струмичко на возраст од 12 и 14 години, денеска околу 16 часот во СВР Скопје се пријавени за исчезнати.
„Според пријавата на нивната професорка Е.А., последен пат ги видела пред трговскиот центар „Веро Џамбо“. Се преземаат мерки за пронаоѓање на малолетничките“, информира МВР.
Можеби ќе ве интересира
Вечерва на социјални мрежи се споделува снимка од надзорна камера на која, како што се наведува, се гледаат девојчињата А. Ј. (12) и Р. И. (14) од струмичкото село Петралинци, со информација дека во 15.50 часот последен пат се видени во „Веро Џамбо“ и дека најверојатно се упатиле кон центарот на Скопје.
Според информации на социјалните мрежи, девојчињата со своите врсници биле на еднодневна екскурзија и го посетиле Саемот на книга во Скопје.