Се тестираат нови 30 лица за коронавирус

Денеска се прави анализа на уште 30 лица, соопшти министерот за здравство Венко Филипче.

– Едно лице е од Куманово, 2 од Скопје и останатите 27 од Дебар и околината. Овие 27 лица немаат симптоми, но е можно да биле во контакт со некој од заболените – рече Филипче.

Доцна синоќа се изработени резултатите на уште 4 пациенти кои биле во врска со сите претходно дијагностицирани.

– Сите нови се со лесна клиничка слика. Стабилна е ситуацијата на сите пациенти на Инфективната клиника – додаде тој.

Во авионот што слета синоќа до Брисел се постави индикација за тестирање на 12 лица, сите тестови се негативни и сите патници се пуштени на задолжителна самоизлоација.

– Преку Деве Баир вчера стигна група од 19 луѓе кои се сместени во Пепелиште, прегледани се во текот на вечерта и утрово и ќе бидат префрелни во заводот во Дамир Капија. Имаше реакција дека условите таму се лоши, се надевам дека ќе имаат разбирање – рече Филипче.

Тој нагласи дека залихите на крв и крвни деривати се сосема доволни.

Има доволно тестови, сега има 1.500, а ќе се набават уште 1.000. Досега, непотврдено, се направени околу 400 теста.